कोरोनाले ज्यान गुमाउने २२ हजार नाघे, इटाली र स्पेनमा सबैभन्दा बढी

कोरोना भाइरसका कारण विश्वभर ज्यान गुमाउनेको संख्या २२ हजार नाघेको छ। बिहीबार साँझसम्म २२ हजार ७१ जनाले ज्यान गुमाएका छन्।

हालसम्म इटालीमा ७ हजार पाँच सय ३, स्पेनमा ४ हजार ८९, चीनमा ३ हजार २ सय ८७ र इरानमा २ हजार २ सय ३४ जनाको मृत्यु भएको छ। फ्रान्समा एक हजार तीन सय ३१ र अमेरिकामा १ हजार ३६ जनाले ज्यान गुमाएका छन्।

विश्वभर संक्रमितको संख्या चार लाख ८८ हजार, तीन सय ४५ पुगेको छ। यीमध्ये एक लाख १७ हजार ६ सय ८ जना निको भएका छन्। तीन लाख ६८ हजार ६ सय ६६ जना संक्रमितको उपचार भइरहेको छ।