सिमकोट – नेपालगञ्जबाट घर फर्कने क्रममा दैलेखमा रोकिएका झण्डै १ सय ३० जना हुम्लाका बासिन्दालाई कर्णाली प्रदेशका सामाजिक विकासमन्त्रीले चाउचाउ र पानी सहयोग गरेका छन् ।
लकडाउनपछि नेपालगञ्जमै रोकिएका उनीहरु गाडी चढेर मुगुका लागि हिँडेका थिए । तर सवारी पास नभएको भन्दै दैलेख प्रशासनले गुराँसेमा रोकेको थियो ।
गुराँसेमा अलपत्र परेका उनीहरुलाई सामाजिक विकासमन्त्री दलबहादुर रावलले चाउचाउ र पानीको व्यवस्थापन मिलाएका हुन् ।
सुर्खेतबाट दैलेख हुँदै मुगु आउने क्रममा सवारी पास नभएपछि दैलेखको गुराँसेमा रोकिएका उनीहरुलाई मन्त्री रावलले व्यक्तिगततर्फबाट ३० पेटी चाउचाउ र १७ जार पानी सहयोग गरेका हुन् ।
त्यस्तै उनीहरुलाई मास्क र सेनिटाइजरको पनि व्यवस्था मिलाइएको छ । मन्त्री रावलकै पहलमा सवारी पास बनेपछि ६ घटासम्म अलपत्र परेका उनीहरु मुगुका लागि प्रस्थान गरेका छन् ।
मुगुको गमगढीबाट उनीहरु पैदल हुम्ला आउने छन् । १ सय ३० जनाको टोलीमा विद्यार्थीसहित नेपालगञ्ज, काठमाडौँ र भारतमा काम गरेका फर्केकाहरु छन् ।
भर्खरै
लोकप्रिय
