सिमकोट – हुम्लाको उत्तरी क्षेत्रको नाम्खा गाउँपालिकामा भारतबाट आएका ३४ जनालाई क्वारेन्टाइनमा राखिएको छ ।
हाल उक्त गाउँपालिकाका विभिन्न वडाहरुमा २३ जना क्वारेन्टाइनमा छन् भने सदरमुकाम सिमकोटमा आठ जनालाई राखिएको छ।
आठ जना भने क्वारेन्टाइनमा बसेर निस्किएको वडा नम्बर १ का अध्यक्ष प्रेम लामाले बताए।
गाउँपालिकामा कुल ४८ जना जिल्ला बाहिरबाट आएकाहरु भित्रिएको वडाअध्यक्ष लामाले बताए । लकडाउन भन्दा अगाडि आएकाहरुलाई भने क्वारेन्टाइनमा नराखिएको उनले बताए।
वडा नम्बर ५ र वडा नमबर ६ को हिमालपारीको गाउँ लिमीका भने कोही पनि आएका छैनन्। गाउँपालिका भित्रिनेमा काठमाडौँबाट आएका दश जना र सर्खुतबाट आएका चार जना रहेका छन्।
नाम्खा गाउँपालिकाकै वडा नम्बर १ मा भारतबाट फर्केका मध्य एक जनामा ज्वरो देखिए पछि स्थानीय बासिन्दामा त्रास बढेको छ।
तर उनीहरुलाई सामान्य ज्वरो आएको र उपचारपछि निको भइसकेका वडाअध्यक्ष लामाले बताए।
भर्खरै
लोकप्रिय
