सिमकोट – हुम्लाको सिमकोट गाउँपालिकाले कोरोना भाइरसको संक्रमित बिरामीको उपचारमा संलग्न स्वास्थ्यकर्मीको संक्रमणका कारण मृत्यु भएमा परिवारलाई १० लाख रुपैयाँ राहत दिने भएको छ ।
गाउँ कार्यपालिकाको बैठकले कोरोना भाइरसबाट संक्रमितहरुको उपचारका क्रममा स्वास्थ्यकर्मी आफै संक्रमित भएर मृत्यु भए स्वास्थ्य बिमा बापत दश लाख रुपैयाँ राहत दिने निर्णय गरेको गाउँपालिका अध्यक्ष पदम बहादुर लामाले बताए ।
कोरोना भाइरसको प्रकोप रोक्न स्वास्थ्यकर्मीलाई उत्पे्ररित गर्नका लागि प्रोत्साहन स्वरुपको यो व्यवस्था गरिएको उनले बताए । त्यसैगरि अहिलेको महामारीका बेला खेटिने कर्मचारीहरुका लागि तह अनुसार जोखिम भत्ता दिने निर्णय पनि बैठकले गरेको छ ।
बैठकले अहिलेको आवागमन बन्दका बेला लक्षित परिवारलाई राहत उपलब्ध गराउने मार्गदर्शन तथा मापदण्ड २०७६ पनि पारित गरेको छ ।
यो पारित भएसँगै राहत पाउने लक्षित वर्ग छनोटको बाटो पनि खुलेको छ । त्यस्तै अर्थ मन्त्रालयको परिपत्र अनुसार खर्च गर्न नपाइने शीर्षकमा बिनियोजित बजेट तत्काल रोक्का गर्ने निर्णय पनि भएको छ ।
भर्खरै
लोकप्रिय
