सिमकोट – मुलुकभर लकडाउन जारी रहेका बेला हुम्लाको ग्रामीण भेगका बासिन्दा भने यो समय जंगलमा च्याउ टिप्न व्यस्त छन् । च्याउ टिप्ने सिजन सुरु भएपछि बिहान सबेरै स्थानीय च्याउ टिप्न जाने र साँझ मात्र घर फर्कने छन् ।
उनीहरुको एकान्तबास जंगलमै बित्ने गरेको छ । जंगलमा बिहानै च्याउ टिप्न जाने र साँझ मात्रै फर्कने गरेको गरेको खार्पुनाथ गाउँपालिका वडा नम्बर ४ का बबरजंग हमालले बताए ।
बिहान ६ बजे घरबाट खाना बोकेर जंगल गएका मानिस बेलुका सात बजे मात्र घर फर्कने गरेका उनले बताए । हिउँदमा हिउँ धेरै परेको कारण जंगलमा गुच्ची च्याउ पनि राम्रो पाईने गरेको बताउँदै हमालले एकातिर एकान्त बास पनि कट्ने अर्कोतिर कमाई पनि हुने गरेको बताए ।
हुम्ला जिल्लामा सात वटै गाउँपालिकामा पाइने गुच्ची च्याउ मूल्यवान पनि भएको कारण च्याउ टिप्न अधिकांश जंगल जाने गरेका छन् ।
चैत देखि जेठ महिनासम्म हुम्लाबासीले च्याउ टिपेर अतिरिक्त कमाई गर्ने गरेका छन् । उनीहरुले संकलन गरेको च्याउ विभिन्न शहरमा बिक्रि हुने गरेको छ ।
भर्खरै
लोकप्रिय
