नयाँ दिल्ली – भारतीय कांग्रेसकी अध्यक्ष सोनिया गान्धीले कोरोना भाइरसविरुद्ध अहोरात्र खटिरहेका स्वास्थ्यकर्मी, सुरक्षाकर्मीलगायत फ्रन्टलाइनरलाई धन्यवाद दिँदै दृढताभन्दा ठूलो राष्ट्रवाद नहुने बताएकी छन्।
कोरोना भाइरस महामारीविरुद्ध लडिरहेका फ्रन्टलाइनरलाई मंगलबार बिहान धन्यवाद दिँदै प्रतिपक्षी दलकी अध्यक्ष सोनियाले उनीहरुको खुलेर प्रंससा गरेकी हुन्। संकटका बेला लड्ने याेद्धा नै असलमा राष्ट्रवादी हुने उनको भनाई छ।
भारतीय प्रधानमन्त्री नरेन्द्र मोदीले देशबासीका नाममा सम्बोधन गर्नुभन्दा केही घण्टाअघि सोनियाले भिडियो सन्देशमार्फत चिकित्सक, सुरक्षाकर्मी, स्वास्थ्यकर्मी, सरसफाइका कर्मचारी र गैर नाफामुलक संघसंस्थाले व्यक्तिगत सुरक्षालाई ख्याल नगरी आम मानिसलाई बचाउन गरिरहेको कामबारे बोलेकी हुन्।
‘मलाई आशा छ तपाईँहरु सुरक्षित हुन घरमा बसिरहनु भएको छ। हामी एकता,अनुशासन र आत्मविश्वासमार्फत कोरोना भाइरसलाई पराजित गर्ने छौँ’, सोनियाले भनेकी छिन्।
भारतमा तीन साता लामो लकडाउन मंगलबार सकिँदै छ। प्रधानमन्त्री नरेन्द्र मोदीले भारतीय समयअनुसार बिहान १० बजे गर्ने सम्बोधनमार्फत लकडाउन बढाइएको बारे जानकारी गराउने अनुमान गरिएको छ।
भर्खरै
लोकप्रिय
