न्युयोर्क – न्युयोर्कका गभर्नर एन्ड्रयु कुमोले आफ्नो क्षेत्रमा कोरोना भाइरस महामारीको खराब समय सकिएको दावी गरेका छन्। भाइरसले न्युयोर्कमा १० हजारभन्दा बढीको ज्यान लिएपछि गभर्नर कुमोको त्यस्तो दावी आएको हिन्दुस्तान टाइम्सले उल्लेख गरेको छ।
कुमोले भनेका छन्- हामी यहि तरिकाले अगाडि बढ्यौँ भने अब खराब समय सकिएको छ। अब हामी सामान्य जिवनतर्फ सुरुवात गर्न सक्छौँ।
अमेरिकामा कोरोनाले ज्यान गुमाउनेभन्दा करिब आधा न्युयोर्कका मात्र छन्। न्युयोर्क विश्वका अन्य देशभन्दा सबैभन्दा बढी प्रभावित छ। न्युयोर्कमा करिब २ लाख संक्रमित छन् भने तीमध्ये १० हजार ५६ जनाको ज्यान गएको छ। करिब २० हजार मानिस निको भएका छन्। न्युयोर्कमा पछिल्लो २४ घण्टामा ६ सय ७१ जनाको ज्यान गएको छ। अप्रिल ५ तारिखयता न्युयोर्कमा दैनिक कम मानिसको ज्यान गएको हो।
कुमोले अस्पताल भर्ना हुने विरामीको संख्या कम हुँदै गएको तर लकडाउनलाई कायम राख्नुपर्ने बताएका छन्।
भर्खरै
लोकप्रिय
