नयाँ दिल्ली- गुजरातका मुख्यमन्त्री विजय रुपनी आईसोलेसनमा बसेका छन्। मंगलबार बिहान उनले भेटेका विधायक इमरान खाडेवालालाई सोही दिन साँझ कोरोना भाइरसको संक्रमण पुष्टी भएपछि रुपनी बुधबारदेखि आईसोलेसनमा बसेका हुन्।
रुपनीले बोलाएको बैठकमा खाडेवाला सहभागी थिए। खाडेवाला अहमदावादको खाडिया-जम्लापुर निर्वाचन क्षेत्रको प्रतिनिधित्व गर्छन्। गुजरात मुख्यमन्त्री कार्यालयका अनुसार रुपनीले अबको एक साता कसैलाई भेट्ने छैनन्।
मुख्यमन्त्री कार्यालयले भनेको छ- गुजरातका मुख्यमन्त्री विजय रुपनी स्वस्थ र ठिक छन्। मेडिकल विषेशज्ञद्धय अतुल पटेल र आरके पटेलले गरेको परिक्षणमा रुपनीमा कोरोना भाइरस संक्रमणको कुनै लक्ष्य देखिएको छैन। तर सुरक्षाका दृष्टिकोणले अब उहाँको घरमा कसैलाई पनि प्रवेश गर्न दिइने छैन।
रुपनीले भिडियो कन्फेरेन्स र फोन कलमार्फत जिम्मेवारी निर्वाश गर्ने बताइएको छ।
भर्खरै
लोकप्रिय
