नयाँ दिल्ली – अमेरिकाले कोरोना भाइरस महामारीविरुद्ध लड्न भारतलाई ५९ लाख अमेरिकी डलर सहयोग गरेको छ। अमेरिकाले उपलब्ध गराएको उक्त सहयोग संक्रमितको हेरचाह, संक्रमितको परिक्षण तथा समुदायलाई सचेत गराउने कार्यक्रमहरुमा उपयोग हुने छ।
अमेरिकाले पछिल्ला २० वर्षमा भारतलाई २ दशमलब ८ बिलियन डलर सहायत उपलब्ध गराएको छ जसमध्ये कम्तिमा १.४ बिलियन डलर स्वास्थ्य क्षेत्रका लागि रहेको हिन्दुस्तान टाइम्सले उल्लेख गरेको छ।
अमेरिकाले कोरोना भाइरस महामारीविरुद्ध विभिन्न देश र संस्थालाई पाँच सय ८ मिलियन डलर उपलब्ध गराएको अमेरिकाको स्टेट डिपार्टमेन्टले जनाएको छ।
भारतमा हाल कोरोना संक्रमितको संख्या १३ हजार ३ सय ८७ रहेको छ। यीमध्ये ४ सय ३७ जनाको मृत्यु भएको छ भने १ हजार ७ सय ४८ जना निको भएका छन्।
भारतमा कोरोना संक्रमणबाट निको हुने १३ प्रतिशत छन्। गत साता यो मात्र ८ प्रतिशत मात्र थियो।
भर्खरै
लोकप्रिय
