सिमकोट-कोरोना कहरले बन्दाबन्दी जारी रहेको अवस्थामा स्वास्थ्य सेवा कार्यालयलाई कोरोना संक्रमण बिरुद्धका सामाग्री जुट्ने क्रम जारी रहेको छ।
संभाबित संक्रमितको उपचारमा सहजता ल्याउनका लागि सहयोगी हातहरुले सहयोग जुटाउने कार्य जारी राखेका हुन ।
कोरोना भाईरस संक्रमण बिरुद्ध परिचालन हुने चिकीत्सक तथा स्वास्थ्यकर्मीहरुका लागि प्रयोग हुने उपकरणहरु उपयुक्त समयमा प्राप्त भएको स्वास्थ्य सेवा कार्यालयका प्रमुख प्रेम बहादुर सिंहले बताए ।
कार्यालयलाई प्राप्त भएका उपकरण तथा सामानहरुमा सर्जिकल ग्लोब दुई सय थान, सेनिटाईजर आठ बोटल, पिपिई सेट चार थान, थर्मोमिटर दुई थान, सर्जिकल माक्स दुई हजार चार सय थान र केएन नाईन्टी फाइप माक्स चार सय थान सहयोग गरिएको आधार बिकास हुम्लाका शिक्षा अधिकृत कुन्जोक लामाले बताए ।
उपकरणको खाँचो भई रहेका बेला प्राप्त भएकोले स्वास्थ्यकर्मीहरुलाई काम गर्न सहज हुने बिस्वास कार्यालयले लिएको छ।
उपकरण तथा सामाग्रीहरु सिमकोट गाउँपालिकाका अध्यक्ष पदम बहादुर लामा र प्रमुख जिल्ला अधिकारी बिनीता भट्टराईको उपस्थितीमा कार्यालय प्रमुख सिंहलाई हस्तान्तरण गरिएको थियो ।
भर्खरै
लोकप्रिय
