ब्युनोस आयर्स – महान् फुटबलर डीएगो म्याराडोनाले विश्वव्यापी महामारी बनेको कोरोना भाइरसलाई हराउन आफुले दोस्रो ‘ह्यान्ड अफ गड’ कुरिरहेको बताएका छन्।
उनले भगवानले कोरोना भाइरसको प्रकोपमा हस्तक्षेप गर्ने र महामारी अन्त्य हुने विश्वास लिएका छन्। अर्जेन्टिनाले दोस्रोपटक विश्वकप जित्दा म्याराडोनाले फाइनलमा हातले गरेको गोललाई ‘ ह्यान्ड अफ गड’ भनेर बुझिने गरिएको छ।
म्याराडोनाले हाल अर्जेन्टिनामा पहिलो श्रेणीको क्लब जिम्नासियाको प्रशिक्षण सम्हालिरहेका छन्। अर्जेन्टिनाले बुधबार लिगको यो सिजन रद्ध गरेसँगै जिमनेसियाको सम्भावित रेलिगेसन टरेको थियो।
यसैलाई जोडेर म्याराडोनाले ‘ ह्यान्ड अफ गड’ पाएको भन्दै उनलाई उडाइरहेका छन्।
५९ वर्षीय म्याराडोनाको भनाई उदृत गर्दै स्थानीय अखबार ‘क्लारिन’ले लेखेको छ, ‘ आज म त्यो हातले कोरोना महामारी अन्त्य गरोस् र मानिसहरु सामान्य जनजिवनतर्फ फर्किउन् भन्ने कामना गर्दछु।’
अर्जेन्टिनामा हालसम्म चार हजार १ सय २७ जनामा कोरोना भाइरसको संक्रमण देखिएको छ।
भर्खरै
लोकप्रिय
