स्पेनमा लकडाउन खुकुलो बनाउने तयारी भइरहेका बेला सात सातायताकै दैनिक मृत्यु कम

म्याड्रिड – स्पेनमा कोरोना भाइरसका कारण सात साता यताकै सबैभन्दा कमको मृत्यु भएको छ। स्पेनमा शनिबार एक सय ६४ जना मात्रको ज्यान गएको छ। स्पेनले लकडाउन खुकुलो बनाउने तयारी गरिरहेको छ।

कोरोना भाइरसका कारण यहाँ २५ हजार २ सय ६४ जनाको मृत्यु भएको छ। कोरोना भाइरसले सबैभन्दा बढी मृत्यु हुनेको सूचीमा स्पेन चौथो स्थानमा छ, अमेरिका, इटाली र बेलायतपछि।

स्पेनिस स्वास्थ्य मन्त्रालयका अनुसार पछिल्लो दैनिक तथ्यांक मार्च १८ यताकै कम हो। मार्च १८ तारिकमा एक सय ७ जनाको ज्यान गएको थियो।