काठमाडौँ- कोरोना भाइरस संक्रमितहरुको संख्या दिनप्रतिदिन बढ्दै जाँदा सरकारले नेपालमा स्वास्थ्य संकटकाल (हेल्थ इमर्जेन्सी) घोषणाको तयारी गरेको छ।
बुधबार स्वास्थ्य तथा जनसंख्या मन्त्रालयले २ हजार भन्दा धेरै कोरोना भाइरसका सक्रमित देखिएकाले स्वास्थ्य संकटकाल (हेल्थ इमर्जेन्सी) घोषणाकाे तयारी गर्ने निर्णय गरेको छ।
बुधबारसम्म कोरोना भाइरसको संक्रमण २३०० जनामा फैलिसकेको छ भने यसका कारण ९ जनाको ज्यान गुमिसकेको छ।
संक्रमित दुई हजार नाघेपछि ‘जनस्वास्थ्य सेवा ऐन, २०७५’ बमोजिम ‘जनस्वास्थ्य विपद अवस्था’ आकर्षित हुने भएको हाे।
‘कोभिड–१९ महामारी स्वास्थ्य क्षेत्र आपत्कालीन योजना’ मा विश्वव्यापी प्रक्रियानुसार संक्रमितको संख्या र अवस्थाका आधारमा महामारी स्तर निर्धारण गरिएको छ ।
उक्त योजनामा दुई हजारदेखि पाँच हजारसम्म सङ्क्रमित पुगेपछि ‘लेभल–२’ मानिने र सो स्थितिमा ‘जनस्वास्थ्य सेवा ऐन, २०७५’ बमोजिम ‘जनस्वास्थ्य विपद अवस्था’ घोषणा हुन सक्ने उल्लेख छ ।
लकडाउन ७२ औँ दिनमा पुग्दा देशभरिको जनजीवन प्रभावित भएको छ भने आर्थिक गतिविधि ठप्प हुँदा ठूलो संख्यामा नागरिकहरु अप्ठ्यारोमा धकेलिएका छन्।
प्रधानमन्त्री केपी शर्मा ओलीले लकडाउनको मोडालिटीबारे छलफल गर्न बालुवाटारमा बुधबार विज्ञहरुको भेला पनि बोलाएका छन्।
भर्खरै
लोकप्रिय
