सिमकोट–प्रदेश अस्पताल सुर्खेतका पाँचजना स्वास्थ्यकर्मीलाई कोरोना संक्रमण देखिएको छ ।
प्रदेश अस्पताल र पशुपंक्षी रोग अन्वेषण प्रयोगशाला सुर्खेतमा गरिएको पीसीआर परीक्षणमा स्वास्थ्यकर्मीलाई कोरोना संक्रमण पुष्टि भएको कर्णाली प्रदेश सामाजिक विकास मन्त्रालयले जनाएको हो ।
मन्त्रालयका स्वास्थ्य सेवा महाशाखा प्रमुख डाक्टर लक्ष्मीनारायण तिवारीका अनुसार संक्रमित पाँच जना प्राविधिकतर्फका स्वास्थ्यकर्मी रहेका छन् ।
संक्रमित मध्य एक जना भिडियो एक्सरेमा कार्यरत र चारजना ल्यावमा कार्यरत स्वास्थ्यकर्मीहरु हुन् ।.
गत जेठ ३ गतेदेखि असार ३ गतेसम्म अस्पतालको आकस्मिक कक्षमा उपचार गराउन आएका बिरामीबाट स्वास्थ्यकर्मीलाई कोरोना सरेको हुन सक्ने मन्त्रालयको भनाइ छ ।
जेठ ३ र ३२ गते दैलेखका दुई र सुर्खेतका एक जना बिरामी अस्पतालको आकस्मिक कक्षमा उपचार गराउन आएकोमा उनीहरुमा कोरोना संक्रमण देखिएको थियो ।
आकस्मिक कक्षमा उपचार गराइरहेका बिरामीमा कोरोना देखिएपछि अस्पतालले संक्रमितको उपचारमा संलग्न ४२ जना स्वास्थ्यकर्मीलाई आइसोलेसनमा राखेको थियो ।
कार्यालय सहयोगीसहित ४२ जनाको पीसीआर परीक्षण गर्दा पाँच जना स्वास्थ्यकर्मीमा कोरोना संक्रमण देखिएको हो ।
भर्खरै
लोकप्रिय
