सिमकोट-देशभर कोरोनाको संक्रमण फैलिरहँदा सिमकोटमा भने साउने पूर्णिमाको अवसरमा जिल्ला स्तरीय फुरुष तथा महिलाहरुको खुल्ला सेभेन ए साईट फुटबल प्रतियोगिता सुरु भएको छ।
रानी वन युवा क्ललको आयोजनामा सामाजिक दूरी कायम राख्दै लिककम नकाउट फुटबल प्रतियोगिता सञ्चालन गर्न लागिएको
यस अघि क्लबले सो प्रतियोगिता गर्ने जनाए पनि स्थानीय प्रशासनले कोरोना संक्रमणको त्रासका कारण प्रतियोगिता आयोजना गर्न नपाइने दिर्देशन दिएको थियो। तर पछि क्लबका पदाधिकारीहरुले सामाजिक दूरी र सुरक्षा अपनाएर प्रतियोगिता आयोजना गर्ने प्रतिबद्धता जनाएपछि फुटबल प्रतियोगिता सुरु भएको क्लबका अध्यक्ष आइतराम बोहराले बताए।
उनले भने, ‘प्रतियोगितामा पुरुषतर्फ २४ वटा टिमको सहभागिता रहेको छ भने महिलातर्फ तीन वटा टिमले सहभागिता जनाएका छन्। प्रतियोगितामा बिजेता टिमले पचास हजार ९९९ रुपियाँ नगद पुरुस्कार पाउने छ भने उपबिजेता टिमले बीस हजार ९९९ रुपियाँ नगद पाउने छन्।’
प्रतियोगिता सञ्चालन हुदा खेलमैदानको दाँया बाँया दर्शक बस्ने स्थानमा सामाजिक दुरी कायम गरे बस्नका लागि क्वलले पचास जना स्वयम सेबक परिचालन गरेको छ। खेल अवभिभर सुरक्षाकर्मी र स्वास्थ्य कर्मी पनि परिचालन भएका छन्।
प्रतियोगिताको पहिलो खेलमा आयोजक रानीबन एले खार्पुनाथ गाउँपालिकाको लाली एफसीसँग बिजेता भएको थियो।
भर्खरै
लोकप्रिय
