सिमकोट-किर्ते मुद्दामा वडा अध्यक्षलाई पक्राउ गरिएको छ। पक्राउ पर्नेमा खार्पुनाथ गाउँ पालिका वडा नं १ का वडा अध्यक्ष मकुसिह वुढा रहेका छन्।
आईतबार प्रहरीले पक्राउ गरेका वडा अध्यक्षलाई जिल्ला सरकारी वकिल कार्यालयमा वयान कार्य गरिएको छ । बिजाया वुढाको जाहेरीले वादी नेपाल सरकार प्रतिवादी मकुसिह वुढा भएको किर्ते मुद्दामा निजलाई जिल्ला प्रहरी कार्यालय हुम्लाले पक्राउ गरेको हो।
किर्ते गरेको आरोप लागेको वडा अध्यक्ष बुढा प्रकाउ परेको प्रहरीले जनाएको छ। हुम्ला जिल्ला खार्पुनाथ गाउँ पालिका वडा नं.१ गोप्का गाउँ वस्ने हाल सोही वडाको वडा अध्यक्ष मकुसिङ वुढाको जन्म मिति २०१० साल भएको र निजले जिल्ला प्रशासन कार्यालय हुम्लाबाट मिति २०४५ बैशाख १ गतेका दिन नागरिकता वनाइ लिएको तर निज आफैले मनोमानी नागरिकतामा केरमेट गरि आफ्नो जन्म मिति २००० साल बनाइ किर्ते जाहेरीमा उल्लेख गरिएको छ।
नागरिकता सच्याएर विगत १५ वर्षदेखि वृद्ध भत्ता समेत खाँदै आइ सरकारी रकमको पनि हिना मिना गरी दुरुउपयोग गरेको आरोप लगाइएको छ । नागरिकता केरमेट गरेकाले निजलाई नागरिकता ऐन अन्तरगत कारवाही गरी १५ वर्षसम्म खाएको वृद्ध भत्ता पनि असुल उपर गरी हदै सम्मको कारवाही गरी पाउँ भन्ने जाहेरवाली वुढाले जिल्ला प्रहरी कार्यालय हुम्लामा जाहेरी २०७५ साल असोज २२ गते दर्ता गरेकी हुन।
मुलुकी अपराध संहिता २०७४ को दफा २७६ मा किर्ते गर्नेलाई हुने सजाय र जरिवानाको व्यवस्था गरेको छ । अध्यक्ष बुढा तत्कालीन एमालेबाट बिजयी भएका हुन।
भर्खरै
लोकप्रिय
