कोएम्यान बार्सिलोनाको प्रशिक्षक नियुक्त

म्याड्रिड- बार्सिलोनाको प्रशिक्षकमा रोनाल्ड कोम्यान नियुक्त भएका छन्। ५७ वर्षीय कोम्यान यसअघि नेदरल्यान्ड्सको राष्ट्रिय फुटबल टोली प्रशिक्षक थिए।

युरोपियन च्याम्पियन्स लिगको क्वार्टरफाइनलमा बायर्न म्युनिखसँग ८-२ गोलको हार ब्यहोरेपछि बार्सिलोनाले किके सेटिएनलाई बर्खास्त गरेको थियो। बार्साले कोएम्यानलाई प्रशिक्षक नियुक्त गर्न लागिएकोबारे यसअघि नै अनौपचारिक जानकारी दिइसकेको थियो।

नेदरल्यान्ड्समा उनको दुई वर्षको कार्यकाल अझै बाँकी थियो। कोएम्यानलाई बार्साले दुई वर्षका लागि नियुक्त गरेको छ।