इन्डियन प्रिमियर लिग-आईपीएल क्रिकेट क्लब दिल्ली क्यापिटल्सले अस्ट्रेलियाका पूर्व बलर रायन ह्यारिसलाई बलिङ प्रशिक्षक नियुक्त गरेको छ।
अस्ट्रेलियाकै जेम्स होप्सले व्यक्तिगत कारण देखाएर सहभागी हुन नसक्ने बताएपछि दिल्लीले उनको स्थानमा ह्यारिसलाई भित्र्याएको हो। ह्यारिस आईपिएलमा यसअघि किङ्स इलेभेन पन्जाबबाट खेलाडी र प्रशिक्षक दुवैरुपमा सहभागी थिए। उनी फास्ट बलर हुन्।
अस्ट्रेलियाको सिनियर राष्ट्रिय टोलीको सहायक प्रशिक्षक भएर पनि उनले काम गरेका छन्। ४० वर्षीय ह्यारिस चाँडै यूएई पुग्ने बताइएको छ।दिल्लीका मुख्य प्रशिक्षक रिक्की पोन्टिङ पनि अस्ट्रेलियाकै हुन्।
आईपीएलको आगामी संस्करण सेप्टेम्बर १९ देखि यूएईमा सुरु हुँदै छ। भारतमा हुँदै आएको प्रतियोगिता यसपटक देशबाहिर गर्न लागिएको हो।
प्रतियोगिताको फाइनल १० नोभेम्बरमा हुने छ। सन्दीप सन् २०१८ यता आईपीएल खेलिरहेका छन्। उनले अघिल्ला दुई सिजन दिल्लीबाटै खेलेका थिए।
भर्खरै
लोकप्रिय
