सिमकोट-हालसम्म कोरोना संक्रमणबाट ग्रीन जोनका रुपमा रहेको हुम्ला जिल्लाका गाउँ गाउँमा पुगेर स्वास्थ्यकर्मीहरु जनचेतना जोगाउन थालेका छन्।
संभावित हुन सक्ने कोरोनाबाट बच्ने उपायहरु ग्रामीण बस्तीमा बस्ने स्थानीयलाई सो उपायहरुका बारेमा जानकारी गर्न थालिएको छ।
उत्तरी हुम्लामा नाम्खा गाउँपालिकाका बिभिन्न वडाका बस्तीमा पुगेर कोरोनाबाट बच्ने उपाय बारे जनचेतना जोगाउने कार्यक्रम सञ्चालन भई रहेको स्वास्थ्य सेवा कार्यालयका सिनियर अनमी सरिता बोहराले बताइन्।
समुह बनाएर कोभिड महामारीबाट बच्ने उपाय र रोकथाम बारे छलफल गर्ने कार्य भएको उनले बताइन्। छलफलमा माक्सको प्रयोग, साबन पानीले पटक पटक हात धुनु पर्ने, सामाजिक दुरी कायम गर्नु पर्ने, भिडभाड गर्न नहुने, जनस्वास्थ्यका सुरक्षाका बिधि अपनाउने जस्ता कुरा स्थानीयलाई जानकारी गराउने कार्य भएको उनले बताइन्।
यसरी नाम्खा गाउँपालिकाका बस्तीहरुमा यो कायृक्रम एक हप्तासम्म सञ्चालन हुनेछ। चीनसँगको सिमाना हिल्सा नाका बन्द भएको कारण जिल्लाका अन्यत्रबाट सो गाउँपालिकामा भित्रिने मानिसबाट मात्रै जोखिम रहेको तर्फ पनि स्थानीयलाई छलफलका क्रममा सचेत गरिएको थियो। नाम्खाका गाउँबस्तीमा यसरी कोभिड बिरुद्ध पहिलो पटक जनचेतना जोगाउने कार्य भएको छ।
भर्खरै
लोकप्रिय
