काठमाडौँ– स्वास्थ्य तथा जनसंख्या मन्त्रालयले देशभर २९० जना कोरोना संक्रमितको आईसीयुमा र ६६ जना संक्रमितको भेन्टिलेटरमा उपचार भइरहेको जनाएको छ।
मन्त्रालयको नियमित प्रेस व्रिफ्रिङका क्रममा स्वास्थ्य मन्त्रालयका प्रवक्ता डा. जागेश्वर गाैतमले प्रदेश १ मा ३४, प्रदेश २ मा १३, बागमती प्रदेशमा १ सय ५२, गण्डकी प्रदेशमा २०, लुम्बिनी प्रदेशमा ५३, कर्णाली र सुदूरपश्चिम प्रदेशमा ९/९ जना गरी २९० जना कोरोना संक्रमितको आईसीयुमा उपचार भइरहेको जानकारी दिए।
प्रवक्ता डा. गाैतमका अनुसार प्रदेश १ मा नौ, प्रदेश २ मा एक, बागमती प्रदेशमा ४८, गण्डकी प्रदेशमा चार, लुम्बिनी प्रदेशमा एक र सुदूरपश्चिम प्रदेशमा तीनजना कोरोना संक्रमितको भेन्टिलेटरमा उपचार भइरहेको छ।
यस्तै मोरङ, सुनसरी, मकवानपुर, सुर्खेत, ललितपुर, काठमाडौँ, चितवन, कास्की, भक्तपुर, दाङ, बाँके र रुपन्देही पाँच सयभन्दा बढी सक्रिय संक्रमित रहेको स्वास्थ्य मन्त्रालयले जनाएको छ। मन्त्रालयका अनुसार मुस्ताङमा भने कोरोना संक्रमितको संख्या शून्य छ।
भर्खरै
लोकप्रिय
