बढुवा भएर आएको टिमसँग रियल मड्रिड स्तब्ध

साबिक विजेता रियल मड्रिड स्पेनिस ला लिगा अन्तर्गत शनिबार राति भएको खेलमा यही सिजन बढुवा भएको कादिजसँग स्तब्ध भएको छ ।

घरेलु मैदानमा भएको खेलमा कादीजसँग रियल मड्रिड १–० ले पराजित भएको हो। १६ औँ मिनेटमा लोनानोले गोल गरी कादिजलाई जित दिलाएका हुन् ।

जितपछि कादिज शीर्ष स्थानको रियल मड्रिडसँग अंक बराबरी गर्न सफल भएको छ। रियल मड्रिड र कादिजको पाँच र ६ खेलबाट समान १० अंक छ । दोस्रो स्थानको गेटाफे र चौथो स्थानको ग्रानाडाको पनि १० अंक नै रहेको छ ।