माेरङ– सुनसरीमा ४ सय ४९ सहित प्रदेश १ मा हालसम्मकै उच्च ८ सय ७० जनामा कोभिड–१९ संक्रमण पुष्टि भएको छ। प्रदेशमा दैनिक संक्रमणको यो हालसम्मकै उच्च संख्या हो।
विराटनगरस्थित सामाजिक विकास मन्त्रालयका अनुसार सुनसरीमा ४ सय ४९, मोरङमा ३ सय ३७, झापामा ३८, इलाममा १०, उदयपुरमा ७, सोलुखुम्वुमा ६, संखुवासभा र तेर्हथुममा समान २, धनकुटा, खोटाङ, पाँचथर र ताप्लेजुङमा समान १ र प्रदेश १ बाहिरका १५ जनामा संक्रमण पुष्टि भएको छ।
मन्त्रालयका अनुसार सुनसरीको धरान उपमहानगरपालिकामा १ सय ६५ महिला र २०० पुरुषमा गरी ३ सय ६५ जनामा संक्रमण देखिएको छ। सुनसरीकै इटहरी उपमहानगरपालिकामा ५३, बराहक्षेत्र नगरपालिकामा १२, इनरुवा नगरपालिकामा १०, रामधुनी र दुहवी नगरपालिकामा समान ३, गढी, हरिनगर र बर्जु गाउँपालिकामा समान १ जनाको रिपोर्ट पोजिटिभ आएको छ।
मोरङको विराटनगर महानगरपालिकामा २ सय ३२, सुन्दरहरैंचा नगरपालिकामा २२, पथरीशनिश्चरे नगरपालिकामा १७, बुढीगंगा गाउँपालिकामा १२, रंगेली नगरपालिकामा १०, धनपालथान गाउँपालिकामा ८, बेलबारी नगरपालिकामा ६, ग्रामथान गाउँपालिकामा ५, जहदा र केराबारी गाउँपालिकामा समान ४, उर्लाबारी नगरपालिका र कानेपोखरी गाउँपालिकामा समान ३, लेटाङ नगरपालिका, कटहरी र मिक्लाजुङ गाउँपालिकामा समान २, सुनबर्षी नगरपालिकामा १ र स्थानीय तह नखुलेका ४ जनाको रिपोर्ट पोजिटिभ आएको मन्त्रालयले जनाएको छ।
त्यसैगरि झापाको विर्तामोड नगरपालिकामा ११, मेचीनगर र भद्रपुर नगरपालिकामा समान ४, दमक नगरपालिका र हल्दीबारी गाउँपालिकामा समान ३, कमल र बुद्धशान्ति गाउँपालिकासँगै शिवसताक्षी र अर्जुनधारा नगरपालिकामा समान २, बाह्रदशी गाउँपालिका र गौरादह नगरपालिकामा समान १ र स्थानीय तह नखुलेका ३ जनामा संक्रमण देखिएको छ।
पहाडी क्षेत्रतर्फ इलामको चुलाचुली गाउँपालिकामा ७, फाकफोकथुम गाउँपालिकामा २ र सुर्योदय नगरपालिकामा १ मा कोरोना पुष्टि भएको छ। उदयपुरको कटारी नगरपालिकामा ५, त्रियुगा नगरपालिका र उदयपुरगढी गाउँपालिकामा समान १, सोलुखुम्वुको सोलुदुधकुण्ड नगरपालिकामा ६, संखुवासभाको मकालु गाँउपालिका र सिलिचोङ गाउँपालिकामा समान १, तेह्रथुमको लालीगुराँस नगरपालिका र स्थानीय तह नखुलेकामा समान १, धनकुटामा १, खोटाङमा १, पाँचथरको फिदिममा १, ताप्लेजुङको फुङलिङमा १ र प्रदेश १ बाहिरका १५ जनाको रिपोर्ट पोजिटिभ आएको सामाजिक विकास मन्त्रालयले जनाएको छ।
यससंगै प्रदेशभर हालसम्म कोरोना संक्रमित हुनेको संख्या १४ हजार ८ सय ५८ पुगेको छ।
यस्तै प्रदेशमा मंगलबार १ सय ४७ जना संक्रमित निको भएर डिस्चार्ज भएका छन्। प्रदेशका विभिन्न स्थानका होमआइसोलेसनबाट १ सय ३, विराटनगरको होटल एसियाटिक आइसोलेसनबाट ३६ र झापाको मेची अस्पतालबाट ८ जना डिस्चार्ज भएका हुन्। यससँगै हालसम्म संक्रमणबाट निको भएर डिस्चार्ज हुनेको संख्या ६ हजार १ सय ८४ पुगेको छ।
प्रदेशमा मंगलबार १ हजार ६ सय ८२ जनाको पीसीआर परीक्षण गरिएको मन्त्रालयले जनाएको छ। जसमा ३ सय ४८ महिला र ५ सय २२ पुरुषको रिपोर्ट पोजिटिभ आएको हो। हालसम्म १ लाख ४८ हजार ८ सय ६४ जनाको पीसीआर परीक्षण गरिएको मन्त्रालयले जनाएको छ।
भर्खरै
लोकप्रिय
