धनगढी– सुदूरपश्चिम प्रदेशमा शुक्रबार थप १ सय ३२ जनामा कोरोना संक्रमण पुष्टि भएको छ।
पछिल्लो २४ घण्टामा प्रदेशका ४ वटा प्रयोगशालामा १ हजार १ सय ८० जनाको परीक्षण गर्दा थप १ सय ३२ जनामा संक्रमण पुष्टि भएको सामाजिक विकास मन्त्रालयले जनाएको छ।
मन्त्रालयका प्रवक्ता नरेन्द्र कार्कीले सेती प्रादेशिक अस्पताल प्रयोगशालामा १ सय ११ जना, डडेल्धुरा अस्पताल प्रयोगशालामा गरिएको परीक्षणमा १४, अछामको कमलबजार नगरपालिकाको प्रयोगशालामा ४ र जिल्ला अस्पताल बझाङ प्रयोगशालामा थप ३ जनामा संक्रमण पुष्टि भएको जानकारी दिए।
सेती प्रादेशिक अस्पतालमा ६ सय ८० जनाको परीक्षण गर्दा थप १ सय ११ जनामा संक्रमण पुष्टि भएको सूचना अधिकारी दिलिपकुमार श्रेष्ठले बताए। श्रेष्ठका अनुसार सबैभन्दा धेरै धनगढी उपमहानगरपालिका ४५ जनामा कोरोना भाइरसको संक्रमण पुष्टि भएको छ। धनगढी उपमहानगरपालिकाका १६ महिला र २९ पुरुष गरी ४५ जनामा संक्रमण पुष्टि भएको उनले बताए।
यस्तै गोदावरी नगरपालिका २९ जना, कैलारी गाउँपालिकाका ६ जना, घोडाघोडी, लम्कीचुहा र टीकापुर नगरपालिकाका ३/३ जना, गौरीगंगा नगरपालिकाका २ र स्थानीय तह नखुलेका १ जनामा पनि संक्रमण देखिएको सूचना अधिकारी श्रेष्ठले बताए।
कञ्चनपुरको वेदकोट नगरपालिकाका ५ जना, शुक्लाफाँटा, कृष्णपुर र भीमदत्त नगरपालिकाका ३/३ जनामा पनि संक्रमण पुष्टि भएको छ।
बैतडीको दशरथ चन्द नगरपालिकाका १ जना, डोटीको शिखर नगरपालिका र केआइसिंह गाउँपालिकाका १/१ जना, कञ्चनपुरको बेल्डाडी गाउँपालिकाका १ जना र स्थानीय तह नखुलेका कञ्चनपुरकै १ जनामा पनि संक्रमण पुष्टि भएको सूचना अधिकारी श्रेष्ठले जानकारी दिए।
योसँगै सुदूरपश्चिममा संक्रमितको संख्या ९ हजार ५ सय ६१ पुगेको छ। संक्रमित मध्ये ७ हजार ५ सयभन्दा बढी डिस्चार्ज भएका छन्।
भर्खरै
लोकप्रिय
