आईपीएलमा आज दुई खेल, पहिलो खेलमा विराटको बैंगलोर र धोनीको चेन्नई आमनेसामने हुँदै

इण्डियन प्रिमियर लिग (आईपीएल) क्रिकेट अन्तर्गत आइतबार पनि दुई खेल हुँदैछन्।

पहिलो खेलमा विराट कोहलीको कप्तानीमा रहेको रोयल च्यालेन्जर्स बैंगलोर र महेन्द्रसिंह धोनीको कप्तानीमा रहेको चेन्नई सुपर किङ्सबीच प्रतिस्पर्धा हुनेछ। खेल नेपाली समय अनुसार अपराह्न ३ः४५ बजे युएईको दुबईमा  हुनेछ।

जारी आईपीएलमा १० खेलबाट १४ अंक जोडेको बैंगलोर अंकतालिकाको तेस्रो स्थानमा छ भने ११ खेलबाट ६ अंक जोडेको चेन्नई अंकतालिकाको पुछारमा छ। यसपालीको आईपीएलमा चेन्नई प्लेअफ प्रतिस्पर्धाबाट लगभग बाहिरिसकेको छ।

यस्तै आजै हुने दोस्रो खेलमा मुम्बई इण्डियन्स र राजस्थान रोयल्स आमनेसामने हुनेछन्। खेल नेपाली समय अनुसार साँझ ७ः४५ मा युएईको अबुधाविमा हुनेछ।

जारी प्रतियोगितामा १० खेलबाट १४ अंक जोडेको मुम्बई शीर्ष स्थानमा छ भने ११ खेलबाट ८ अंक जोडेको राजस्थान सातौँ स्थानमा छ।