एभर्टनको अपराजित यात्रा टुंगियो, पहिलो हाफमा खाएको दुई गोल बन्यो घातक

इंग्लिस प्रिमियर लिग फुटबल अन्तर्गत आइतबार राति भएको खेलमा शीर्ष स्थानको एभर्टन परातिज भएको छ । घरेलु मैदानमा भएको खेलमा साउथह्याम्पटनले एभर्टनलाई २-० ले पराजित गरेको हो ।

साउथह्याम्पटनका लागि २७ औँ मिनेटमा जेम्स वार्ड प्रावसी र ३५ औँ मिनेटमा ची एडम्सले गोल गरे । दुवै गोलका लागि ड्यानी इनग्सले सहयोग गरेका हुन् ।

प्रिमियर लिगको यो सिजनमा एक मात्र अपराजित क्लब थियो एभर्टन, उसको अपराजित यात्रा पनि टुंगिएको छ । ७२ औँ मिनेट लुकास डिग्नी सीधै रातो कार्ड पाएर मैदानबाट बाहिरिए ।

एभर्टनका प्रशिक्षक कार्लो एन्सिलोटीले डिग्नीलाई दिइएको रातो कार्ड जोक्स जस्तै रहेको बताएका छन् ।

हारपछि पनि शीर्ष स्थानमा कायम रहेको एभर्टनको ६ खेलबाट १३ अंक रहेको छ । दोस्रो स्थानको लिभरपुलको पनि समान १३ अंक नै रहेको छ ।

लिग अन्तर्गत आइतबार राति नै भएको खेलमा वुल्भ्स र न्यूक्यासलले १-१ को बराबरी खेलेका छन् ।