माेरङ– धरान उपमहानगरपालिकामा १ सय ७९ सहित प्रदेश १ मा थप २ सय ३७ जनामा कोरोना भाइरसको संक्रमण पुष्टि भएको छ।
प्रदेश १ काे सामाजिक विकास मन्त्रालयका अनुसार सोमबार सुनसरीमा १ सय ८७, झापामा ३१, मोरङ र इलाममा समान ८, र प्रदेश १ बाहिरबाट ३ जनासहित २ सय ३७ जनामा संक्रमण पुष्टि भएको हो।
विराटनगरस्थित मन्त्रालयका अनुसार धरान उपमहानगरपालिकामा ७४ महिला र १ सय ५ पुरुष गरी कुल १ सय ७९ जनामा संक्रमण देखिएको हो।
सुनसरीकै इटहरी उपमहानगरपालिकामा ४ महिला र ४ पुरुष गरी ८ जनामा संक्रमण देखिएको छ।
झापाको विर्तामोड नगरपालिकामा ११, कनकाई नगरपालिकामा ९, गौरीगञ्ज नगरपालिमामा ७, गौरादह नगरपालिकामा २, हल्दिबारी गाउँपालिका र भद्रपुर नगरपालिमामा समान १ जनामा संक्रमण पुष्टि भएको छ।
यसैगरि मोरङको विराटनगर उपमहानगरपालिकामा २ जनामा संक्रमण देखिएको छ। मोरङकै उर्लाबारी नगरपालिकामा ४, बेलबारी नगरपालिका र पथरीशनिश्चरे नगरपालिकामा समान १ जनामा संक्रमण पुष्टि भएको छ।
पहाडी क्षेत्रतर्फ इलामको रोङ्ग गाउँपालिकामा ४, इलाम नगरपालिकामा ३ र मिक्लाजुंग गाउँपालिकामा १ जनामा संक्रमण देखिएको मन्त्रालयले जनाएको छ। त्यसैगरि मन्त्रालयका अनुसार प्रदेश १ बाहिरबाट ३ जनाको पीसीआर रिपोर्ट पोजिटिभ आएको छ। यससँगै प्रदेशमा हालसम्म १७ हजार ६ सय ५१ जनामा संक्रमण देखिएको छ।
अर्कोतर्फ १ सय ९३ महिला र ३ सय ३४ पुरुष गरी कुल ५ सय २७ जना कोरोना संक्रमित निको भएर डिस्चार्ज भएका छन्। जसमा मोरङमा ३ सय ३, सुनसरीबाट १ सय ६२, झापाबाट २९ र बाँकी ३३ जना अन्य स्थानबाट डिस्चार्ज भएको मन्त्रालयले जनाएको छ। यससँगै प्रदेशभरबाट हालसम्म ८ हजार ६ सय ४३ जना संक्रमित निको भएर डिस्चार्ज भएका छन्।
मन्त्रालयका अनुसार प्रदेश १ का विभिन्न ६ वटा कोभिड अस्पतालहरुमा २९ जना आईसीयु र ८ जना संक्रमित भेन्टिलेटरमा उपचाररत रहेको मन्त्रालयले जनाएको छ।
मन्त्रालयले हालसम्म प्रदेशमा ५२ महिला र १ सय १९ जना पुरुष गरी १ सय ७१ जनाको मृत्यु भएको मन्त्रालयको कोभिड १९ दैनिक प्रतिवेदनका संयोजक डा. रविन्द्र निरौलाले जानकारी दिए।
भर्खरै
लोकप्रिय
