जनकपुरधाम– करेन्ट लागेर महोत्तरीमा नेपाल विद्युत प्राधिकरणका एक कर्मचारीको मृत्यु भएको छ। विद्युत लाईन मर्मत गर्न पोलमा चढेका नेपाल विद्युत प्राधिकरण बर्दिबासका कर्मचारीको करेण्ट लागेर मृत्यु भएको विद्युत प्राधिकरणको गौशाला वितरण केन्द्रले जनाएको छ।
मृत्यु हुनेमा रौतहट पौराह नगरपालिका बसन्पट्टी घर भएका ४५ वर्षीय गौरी पण्डित रहेका छन्। पण्डित नेपाल विद्युत प्राधिकरणको गौशाला वितरण केन्द्र अन्तर्गत बर्दिवास फ्यूज शाखामा ज्यालादारीमा कार्यरत थिए।
शनिबार बर्दिबास नगरपालिका वडा नम्बर १ मा विद्युत लाईन मर्मत गर्न पोलमा चढेकोमा करेन्ट लागेपछि उनलाई उपचारको लागि बर्दिबास जनसेवा अस्पताल पुर्याइएको थियो। तर त्यहाँ उपचार सम्भव नभएपछि थप उपचारको लागि जनकपुर पठाइएकोमा जानकी केयर हस्पिटलमा उपचारकै क्रममा उनको मृत्यु भएको गौशाला वितरण केन्द्रले जनाएको छ।
पण्डित करिब १० वर्षदेखि ज्यालादारी कर्मचारीको रुपमा विद्युत प्राधिकरणमा कार्यरत थिए।
भर्खरै
लोकप्रिय
