३ लाखभन्दा बढी नगदसहित कौडा खेलिरहेका तीनजना पक्राउ

जनकपुरधाम– महोत्तरीबाट कौडा खेलिरहेको अवस्थामा तीन जना पक्राउ परेका छन्।

शनिबार विहान करिब ४ बजे महोत्तरीको मनरासिसवा नगरपालिका वडा नं. ६ बाँसघारीमा कौडी खेलिरहेको अवस्थामा मनरासिसवा नगरपालिका वडा नं. ७ का विनोदकुमार साह, सरोजकुमार साह र सन्तोषकुमार साह पक्राउ परेको महोत्तरीका प्रहरी प्रवक्ता प्रहरी नायव उपरीक्षक प्रकाश विष्टले जानकारी दिए।

उनीहरुलाई ३ लाख ३२ हजार ९ सय ६० रुपैयाँसहित पक्राउ गरिएको छ भने कौडा खेलिरहेका अन्य दुईजना फरार भएका छन्। पक्राउ परेकाहरुमाथि जुवा मुद्दामा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ।