जनकपुरधाम-कोरोना संक्रमणबाट प्रदेश २ मा थप ५ जना संक्रमितको मृत्यु भएको छ।
यससँगै मृत्यु हुनेको संख्या १ सय ८० पुगेको स्वास्थ्य निर्देशनालय प्रदेश २ का निमित्त निर्देशक विजय झाले जानकारी दिए ।
बिहिबार सप्तरीमा ४ जना र सिरहामा १ जना कोरोना संक्रमितको मृत्यु भएको छ।
सप्तरीको राजविराज नगरपालिका वडा नं. २ का २८ वर्षीय पुरुष, महदेवा गाउँपालिका वडा नं. ४ का ३० वर्षीय पुरुष, वडा नं. ६ का ३० वर्षीय पुरुष, विष्णुपुर गाउँपालिका वडा नं. २ का २६ वर्षीय महिला र सिरहाको विष्णुपुर गाउँपालिका वडा नं. १ का ८४ वर्षीय पुरुषको कोरोना संक्रमणबाट मृत्यु भएको छ।
कोरोना संक्रमणबाट अहिलेसम्म १ सय ४९ पुरुष र ३१ म्हिलाले ज्यान गुमाएका छन्। हालसम्म पर्सामा ५०, सप्तरीमा ३१, सिरहामा २०, धनुषामा १९, बारामा १९, महोत्तरीमा १७, सर्लाहीमा १३, रौतहटमा १० र १ भारतीय नागरिकको कोरोना संक्रमणबाट मृत्यु भएको छ ।
त्यस्तै पछिल्लो २४ घण्टामा यस प्रदेशमा ४३ नयाँ कोरोना संक्रमित थपिएका छन् । यस सँगै कोरोना संक्रमितको संख्या १५ हजार ९ सय ९ पुगेको स्वास्थ्य निर्देशनालयले जनाएको छ।
गौर अस्पताल रौतहट, प्रादेशिक जनस्वास्थ्य प्रयोगशाला जनकपुर, नारायणी उपक्षेत्रीय अस्पताल वीरगंज र गजेन्द्र नारायण सिंह सगरमाथा अस्पताल राजविराजमा गरिएको परीक्षणमा सप्तरीमा ९, धनुषामा ८, बारामा ७, सिरहामा ६, रौतहटमा ४, महोत्तरीमा ३, पर्सामा ३, सर्लाहीमा १ र अन्य प्रदेशका २ जनामा कोरोना संक्रमण पुष्टि भएको छ ।
त्यस्तै आज थप ९० जना कोरोना संक्रमित निको भएर डिस्चार्ज भएका छन्। यस सँगै निको हुनेको संख्या १४ हजार ६ सय ११ पुगेको स्वास्थ्य निर्देशनलय प्रदेश २ ले जनाएको छ ।
भर्खरै
लोकप्रिय
