अ
+
अ
अ
-
मोरङ – विराटनगरको नोवेल शिक्षण अस्पतालमा उपचाररत कोरोना भाइरस संक्रमित एक बृद्धा र युवती गरि दुईजनाको मृत्यु भएको छ ।
अस्पतलाका प्रबन्धक नारायण दाहालका अनुसार झापा शिवसताक्षी नगरपालिकाकी २६ वर्षीया युवतीको उपचारका क्रममा मृत्यु भएको हो ।
दाहालका अनुसार कोरोना पोजिटिभ युवतीलाई थप उपचारका लागि कात्तिक १५ गते अस्पतालमा भर्ना गरिएको थियो । उपचारकै क्रममा शनिबार बिहान करिब ३ बजे युवतीको मृत्यु भएको हो।
युवतीमा दीर्घ रोग भए नभएको प्रष्ट नभएको जनाउँदै अस्पतालले युवतीमा कोरोना लक्षण देखिएपछि पीसीआर परीक्षण गराएको थियो ।
त्यसैगरि, सुनसरीको दुहबी नगरपालिका ९ की ६८ वर्षीया महिलाको उपचारका क्रममा शुक्रबार राति ९ बजे मृत्यु भएको दाहालले जानकारी दिए ।
स्वास्थ्यमा समस्या देखिएपछि उपचारका लागि कात्तिक १७ गते अस्पताल भर्ना भएकी महिलामा कोरोना पुष्टि भएको थियो।
भर्खरै
लोकप्रिय
