इङ्लिस प्रिमियर लिग फुटबलअन्तर्गत आइतबार साँझ साविक विजेता लिभरपुलले शीर्षस्थानमा रहेको म्यानचेस्टर सिटीसँग खेल्दै छ। म्यान सिटीको मैदानमा हुने यो खेलमा जित वा बराबरी हात पार्न सके लिभरपुल अंक तालिकाको शीर्षस्थानमा पुग्ने छ।
७ खेलपछि लिभरपुलको १६ अंक छ। शीर्षस्थानमा रहेको साउथ ह्याम्पटनको पनि ८ खेलबाट १६ अंक रहेपनि गोलअन्तरमा लिभरपुल पछाडि छ। ८ खेलपछि चेल्सीको १५ तथा सात खेल खेलेको लेस्टर सिटीको पनि १५ अंक छ। म्यान सिटीको ७ खेलबाट ११ अंक छ। गत जुलाईमा भएको प्रिमियर लिगको अघिल्लो सिजनको खेलमा म्यान सिटीले घरेलु मैदानमा लिभरपुललाई ४-० गोलले हराएको थियो।
आइतबार राती हुने अन्य खेलमा टोट्टनहाम वेस्टब्रुमको मैदानमा उत्रने छ भने लेस्टरले घरेलु मैदानमा वुल्भ्सलाई स्वागत गर्ने छ। यसैगरि आर्सनलले घरेलु मैदानमा एस्टन भिल्लासँग खेल्ने छ। ७ खेलपछि टोट्टनहामको १४ र आर्सनलको १२ अंक छ।
६ खेल खेलेको एस्टन भिल्लाको पनि १२ अंक छ। सुरुका चार खेल जितेको एस्टन भिल्लाले पछिल्ला लगातार खेल हारेको छ। यस्तै अर्को टोली एभर्टनले पनि सुरुका चार खेल जितेको छ जसले पछिल्ला चार खेलमा ३ हार र एक बराबरीको खराब नतिजा निकालेको छ।
भर्खरै
लोकप्रिय
