मोरङ-प्रदेश १ मा कोरोना भाइरस कोभिड १९ का २ सय १९ जना नयाँ संक्रमित थप भएका छन्।
विराटनगरस्थित सामाजिक विकास मन्त्रालयका अनुसार आइतबार प्रदेशमा ९ सय ७६ जनाको पिसिआर परीक्षण गरिएको थियो । जसमा ७५ महिला र १ सय ४४ पुरुषको रिपोर्ट पोजिटिभ आएको हो।
मन्त्रालयका अनुसार मोरंगमा १ सय ३, सुनसरीमा ४८, झापामा ३३, ते¥हथुममा ८, उदयपुरमा ६, इलाम र संखुवासभामा समान २, पाँचथर, भोजपुर र खोटाङमा समान १ र प्रदेश १ बाहिरका १४ जना रहेका छन्।
प्रदेश राजधानी विराटनगर महानगरपालिकामा १९ महिला र २९ पुरुष गरि कुल ४८ जनामा संक्रमण पुष्टि भएको छ। त्यसैगरि, मोरंगकै सुन्दरहरैचा नगरपालिकामा १५, पथरीशनिश्चरे नगरपालिकामा ८, रतुवामाई नगरपालिकामा ७ , रंगेली नगरपालिकामा ६, उर्लाबारी नगरपालिका र कानेपोखरी गाँउपालिकामा समान ४, जहदा र बुढीगंगा गाँउपालिकासंगै बेलबारी नगरपालिकामा समान ३, ग्रामथान गाँउपालिकामा १ र स्थानीय तह नखुलेका १ जनाको रिपोर्ट पोजिटिभ आएको छ।
सुनसरीको इटहरी उपमहानगरपालिकामा ३३, इनरुवा नगरपालिकामा ४, रामधुनी नगरपालिकामा ३, धरान उपमहानगरपालिकासंगै देवानगञ्ज र कोशी गाउँपालिकामा समान २, दुहवी नगरपालिका र गढी गाँउपालिकामा समान १ जनाको पिसिआर रिपोर्ट पोजिटिभ आएको छ।
झापाको गौरादह नगरपालिका र कमल गाउँपालिकामा समान १२, दमक नगरपालिकामा ४, गौरीगञ्ज, अर्जुनधारा , मेचीनगर नगरपालिका, कचनकवल गाँउपालिकासंगै स्थानीय तह नखुलेकामा समान १ जना संक्रमण देखिएको छ ।
पहाडी क्षेत्रतर्फ तेह्रथुमको म्याङलुङ नगरपालिकामा ८, उदयपुरको चौदण्डीगढी नगरपालिकामा ३, त्रियुगा नगरपालिकामा २ र बेलका नगरपालिकामा १, इलामको इलाम नगरपालिका र फाकफोकथुम गाँउपालिकामा समान १, संखुवासभाको पाँचखपन र खाँदबारी नगरपालिकामा समान १, पाँचथरको मिक्लाजुङ गाँउपालिका, भोजपुरको षडानन्द गाँउपालिका, खोटाङको खोटेहाङमा पनि समान १ र प्रदेश १ बाहिरका १४ जनामा संक्रमण देखिएको मन्त्रालयले जनाएको छ । यससंगै प्रदेशभर हालसम्म कोरोना संक्रमितको संख्या २१ हजार ८ सय ८४ पुगेकोछ ।
अर्कोतर्फ, प्रदेशमा आइतबार ६ जना संक्रमित निको भएर डिस्चार्ज भएको मन्त्रालयले जनाएको छ। प्रदेशभित्रका विभिन्न होमआईसोलेसनबाट ५ सय ९५ र विराटनगरको कोशी अस्पताल कोभिड १९ उपचार केन्द्रबाट ५ जना डिस्चार्ज भएका हुन। यससँगै हालसम्म डिस्चार्ज हुनेको संख्या १४ हजार १ सय ७३ पुगेको छ ।
भर्खरै
लोकप्रिय
