अ
+
अ
अ
-
कप्तान विराट कोहली भारतको अस्ट्रेलिया भ्रमणका क्रममा पहिलो टेस्ट क्रिकेट खेलेर घर फर्कने भएका छन्।
श्रीमती अनुस्का शर्माले बच्चा पाउने समय भएकाले उनको हेरचाह र रेखदेखका लागि कोहली भ्रमणको बीचमै घर फर्कने चर्चित क्रिकेट साइट क्रिकइन्फोले जनाएको छ। अस्ट्रेलियाविरुद्ध पहिलो टेस्ट डिसेम्बर १७ तारिखमा सुरु हुँदै छ। अनुस्काले नयाँ वर्षको आसपासमा बच्चा जन्माउने समय रहेको उल्लेख गरिएको छ।
कोहली घर फर्कने भएपछि रोहित शर्मालाई टिममा समावेश गरिएको छ। यसअघि चोटका कारण रोहितलाई टिमबाहिर राखिएको थियो। तर उनले भ्रमणका क्रममा सीमित ओभरका प्रतियोगिता मात्र खेल्नेछन्।
सुरुमा अस्ट्रेलिया र भारतबीच तीन खेलको एकदिवशीय शृंखला हुने छ जुन नोभेम्बर २७ तारिखबाट सुरु हुने छ। त्यसपछि तीन खेलको टीट्वेन्टी शृंखला आयोजना हुने छ। उनिहरुबीच चार खेलको टेस्ट शृंखला पनि हुने छ।
भर्खरै
लोकप्रिय
