काठमाडौँ- पछिल्लो पुस्ताका जल्दाबल्दा नेपाली हाँस्य कलाकारहरुको एक समूहले टेलिभिजन कार्यक्रम ‘नेपाली कमेडी सो’ लिएर आउने भएका छन्।
उक्त कार्यक्रम ‘स्टेन्ड अफ कमेडी’ जनराको हुने कलाकार राजा राजेन्द्र पोखरेलले जानकारी दिए। उक्त कार्यक्रममा राजा राजेन्द्र, सुबोध गौतम, दीपेन्द्र प्रसाई, दिनेश काफ्ले, प्रभात लामा, सुन्दर खनाल, राधिका कँडेल, सुयेसा खनाल, कल्पना खतिवडा, पुरुषोत्तम भण्डारीलगायत हास्य कलाकार देखिने छन्।
‘यो प्रतिस्पर्धात्मक कार्यक्रम होइन। कार्यक्रमले नेपाली हाँस्य ब्यङ्ग्यात्मक टेलिभिजन कार्यक्रमको स्तरलाई नयाँ उचाईमा पुर्याउने विश्वास लिएका छौँ’, राजा राजेन्द्रले भने। बाल कलाकार सुयेशा टिकटकबाट उदाएकी हुन्। राधिका रेडियो अडियोमा हाँस्य ब्यङ्ग्यात्मक कार्यक्रम चलाउछिन्।
कार्यक्रम जनता टेलिभिजनबाट प्रशारण हुने छ। आगामी साताबाट औपचारिकरुपमा प्रशारण हुने यो कार्यक्रमको प्रमोसनल एपिसोड शुक्रबार राती जनता टिभिको यूट्युब च्यानलमा अपलोड हुँदै छ।
उज्जल प्रशान्तले निर्देशन गर्ने कार्यक्रमका निर्माता राजा राजेन्द्र हुन्।
भर्खरै
लोकप्रिय
