मोरङ-प्रदेश-१ मा ८५ जना कोरोना भाइरसका नयाँ संक्रमित थप भएका छन्।
विराटनगरस्थित सामाजिक विकास मन्त्रालयका अनुसार आईतबार ४ सय २६ जनाको पिसिआर परीक्षण गरिएको मध्ये ३३ महिला र ५२ पुरुषको रिपोर्ट पोजिटिभ आएको हो।
यसक्रममा मोरङ्गमा २९, सुनसरीमा २४, ताप्लेजुङमा ७, तेह्रथुम र धनकुटामा समान ६, झापामा ५, इलाममा ४, उदयपुरमा १ र प्रदेश १ बाहिरका ३ जनामा संक्रमण पुष्टि भएको छ।
प्रदेश राजधानी विराटनगर महानगरपालिकामा १८, मोरंगको सुन्दरहरैचा, रंगेली नगरपालिकासंगै बुढीगंगा गाँउपालिकामा समान २, उर्लाबारी, सुनबर्षी र बेलबारी नगरपालिकामा समान १ र स्थानीय तह नखुलेका २ जनामा कोभिड १९ पोजिटिभ देखिएको छ।
त्यसैगरी सुनसरीको धरान उपमहानगरपालिकामा १०, इटहरी उपमहानगरपालिकामा ६, इनरुवा नगरपालिका र हरिनगर गाँउपालिकामा समान २, दुहबी, बराहक्षेत्र नगरपालिकासंगै, बर्जु, र देवानगञ्ज गाँउपालिकामा समान १ जनाको रिपोर्ट पोजिटिभ आएको मन्त्रालयले जनाएको छ।
झापाको दमक र विर्तामोड नगरपालिकामा समान २ र स्थानीय तह नखुलेका १ जनाको पिसिआर रिपोर्ट पोजिटिभ आएको छ।
त्यसैगरि, पहाडी क्षेत्रतर्फ, ताप्लेजुङको फुङलिङ नगरपालिकामा ५, पाथिभरा र श्रीजंगा गाँउपालिकामा समान १, तेह्रथुमको म्याङलुङ नगरपालिकामा ६, धनकुटाको महालक्ष्मी नगरपालिकामा ५ र साँघुरीगढी गाँउपालिकामा १ जनामा कोरोना पुष्टि भएको छ।
इलामको माईजोगमाई नगरपालिकामा ४, उदयपुरमा १ र प्रदेश १ बाहिरका ३ जनामा संक्रमण देखिएको छ । यससंगै प्रदेशमा हालसम्म कोरोना संक्रमितको संख्या २३ हजार ७ सय ५० पुगेको छ।
अर्कोतर्फ, प्रदेशमा आइतबार १ सय ५३ जना संक्रमित निको भएर डिस्चार्ज भएका छन्। डिस्चार्ज हुने सवै होम आईसोलेसनका रहेको मन्त्रालयले जनाएको छ। हालसम्म डिस्चार्ज हुनेको संख्या १७ हजार ९ सय ३१ पुगेको छ।
भर्खरै
लोकप्रिय
