अ
+
अ
अ
-
जनकपुरधाम – महोत्तरीमा ट्याङ्करको ठक्करबाट मोटरसाइकलमा सवार एकजनाको मृत्यु भएको छ।
महोत्तरीको बर्दिबाँस नगरपालिका–१ स्थित सिन्धुली चोकमा सवारी दुर्घटना हुँदा एकजनाको मृत्यु भएको इलाका प्रहरी कार्यालय बर्दिबासका प्रहरी नायव उपरीक्षक राजन चापागाईले जानकारी दिए ।
सिन्धुलीबाट सर्लाही तर्फ जाँदै गरेको घ ९ प ५३२१ नम्बरको मोटरसाईकललाई बुधबार बिहान विराटनगरबाट पश्चिम तर्फ जाँदै गरेको ना ७ ख ३९२१ नम्बरको तेल ट्याङ्करले ठक्कर दिँदा दुर्घटना भएको छ ।
दुर्घटनामा मोटरसाईकलको पछाडी सवार सिन्धुलीको दुधौली नगरपालिका–१० तीनपाटनका २६ वर्षीय आशालाल परियार घाइते भएका थिए । उनको उपचारको क्रममा बर्दिबास स्थित अस्पतालमा मृत्यु भएको प्रहरीले जनाएको छ ।
मोटरसाईकल चालक शकुसल रहेको तथा ठक्कर दिने तेल ट्याङ्कर र चालक प्रहरी नियन्त्रणमा रहेको बर्दिबास प्रहरीले जनाएको छ ।
भर्खरै
लोकप्रिय
