मोरङ-प्रदेश-१ मा कोरोना भाइरस कोभिड १९ का ४ सय ४० जना नयाँ संक्रमित थपिएका छन्।
विराटनगरस्थित सामाजिक विकास मन्त्रालयका अनुसार बुधबार गरिएको १ हजार २ सय ६१ जनाको पिसिआर परीक्षण मध्ये १ सय ४६ महिला र २ सय ९४ पुरुषको रिपोर्ट पोजिटिभ आएको हो।
यसक्रममा मोरंगमा २ सय २३, सुनसरीमा ८४, झापामा ६६, इलाममा १२, उदयपुरमा ११, संखुवासभामा ५, पाँचथरमा ४, धनकुटामा २, ताप्लेजुङ, ओखलढुङ्गा र भोजपुरमा १ र प्रदेश १ बाहिरका ३० जनामा संक्रमण पुष्टि भएको छ।
मन्त्रालयका अनुसार प्रदेश राजधानी विराटनगरमहानगरपालिकामा १ सय २४ जनामा संक्रमण देखिएको छ । संक्रमण देखिएका मध्ये ४७ महिला र ७७ पुरुष छन्।
मोरंगको सुन्दरहरैचा नगरपालिकामा ३२, उर्लाबारी नगरपालिकामा ९, बुढीगंगा गाँउपालिका र बेलबारी नगरपालिकामा समान ८, कटहरी र मिक्लाजुङ गाँउपालिकामा समान ६, धनपालथान गाँउपालिकासंगै रंगेली, रतुवामाई, र पथरीशनिश्चरे नगरपालिकामा समान ५, लेटाङ नगरपालिकामा ४, सुनबर्षी नगरपालिकामा ३, ग्रामथान गाँउपालिकामा २ र स्थानीय तह नखुलेका १ जनाको रिपोर्ट पोजिटिभ आएको छ।
सुनसरीको इटहरी उपमहानगरपालिकामा ४३, रामधुनी नगरपालिकामा ११, धरान उपमहानगरपालिकासंगै बराहक्षेत्र र इनरुवा नगरपालिकामा समान ६, दुहवी नगरपालिकामा ३, गढी, देवानगञ्ज र बर्जु गाँउपालिकामा समान २, हरिनगर, भोक्राहा नरसिंह र कोशी गाउँपालिकामा समान १ जनामा संक्रमण देखिएको छ।
झापाको दमक नगरपालिकामा १६, विर्तामोड नगरपालिकामा १२, भद्रपुर नगरपालिकामा १०, अर्जुनधारा नगरपालिकामा ६, गौरादह नगरपालिकामा ५, मेचीनगर नगरपालिका र झापा गाउँपालिकामा समान ३, शिवसताक्षी, कनकाई नगरपालिकासंगै हल्दिबारी, बुद्धशान्ति र कमल गाउँपालिकामा समान २, गौरीगञ्ज नगरपालिकामा १, इलामको इलाम नगरपालिकामा ७, सुर्योदय नगरपालिकामा ३ जना संक्रमित थपिएका छन्।
रोङ गाँउपालिका र फाकफोकथुम गाँउपालिकामा १–१, उदयपुरको त्रियुगा र चौदण्डीगढी नगरपालिकामा समान ५ र उदयपुरगढी गाँउपालिकामा १, संखुवासभाको मकालु गाँउपालिकामा ३, पाँचखपन र खाँदबारी नगरपालिकामा समान १, पाँचथरको फिदिम, मिक्लाजुङ, फालेलुङ, हिलिहाङमा समान १, धनकुटाको महालक्ष्मी र धनकुटा नगरपालिकामा समान १, ताप्लेजुङको फुङलिङ, ओखलढुङ्गाको मानेभनज्याङ र भोजपुरमा समान १ र प्रदेश १ बाहिरका ३० जनाको रिपोर्ट पोजिटिभ आएको मन्त्रालयले जनाएको छ।
यससँगै प्रदेशभर हालसम्म कोरोना संक्रमितको संख्या २४ हजार ५ सय १६ पुगेको छ। अर्कोतर्फ, प्रदेशमा बुधबार ३ सय ६३ जना संक्रमित निको भएर डिस्चार्ज भएका छन्।
प्रदेशका विभिन्न स्थानका होमआइशोलेसनबाट ३ सय ५४, झापास्थित मेची अस्पतालबाट ६ र विराटनगरको होटल एशियाटिकबाट ३ जना डिस्चार्ज भएका हुन् । हालसम्म डिस्चार्ज हुनेको संख्या १९ हजार २ सय ३१ पुगेको छ।
भर्खरै
लोकप्रिय
