अ
+
अ
अ
-
मोरङ-धरानस्थित वीपी कोइराला स्वास्थ्य विज्ञान प्रतिष्ठानमा कोरोना संक्रमित एक युवतीको मृत्यु भएको छ।
प्रतिष्ठानका सहप्रवक्ता डा. आशिष श्रेष्ठका अनुसार धरान उपमहानगरपालिका-११ की २९ वर्षीया युवतीको उपचारका क्रममा बुधबार दिउँसो १ बजे मृत्यु भएको हो।
मृतक युवतीको घर ताप्लेजुंग भएपनि हाल धरानमा बसोबास गर्दै आएको उनले जानकारी दिए।
उपचारका क्रममा प्रतिष्ठानबाट रिफर गरिएको युवतीमा कार्तिक २६ गते कोरोना भाइरस संक्रमण पुष्टि भएको थियो।
मृगौला सम्बन्धी पुरानो रोगले पीडित युवतीलाई प्रतिष्ठानको कोभिड १९ अस्पतालमा कार्तिक ३० गते थप उपचारका लागि भर्ना गरिएको थियो।
यससंगै प्रतिष्ठानमा हालसम्म १ सय ७ जना संक्रमितको उपचारका क्रममा मृत्यु भएको छ।
भर्खरै
लोकप्रिय
