शीर्ष स्थानको होडमा रहेको लेस्टर सिटीलाई पराजित गरेर लिभरपुल इंग्लिस प्रिमियर लिग फुटबलको दोस्रो स्थानमा पुगेको छ ।
आइतबार राति घरेलु मैदानमा भएको खेलमा लिभरपुलले लेस्टर सिटीलाई ३–० ले पराजित गरेको हो ।
लिभरपुलका लागि डिओगो जोटा र रोबर्टो फिरमिनोले गोल गरे । लेस्टर सिटीका जोनी इभान्सले २१ औँ मिनेटमा आत्मघाती गोल गरि लिभरपुललाई सुरुवाति अग्रता दिलाए ।
जोटाले ४१ औँ मिनेटमा गोल गरेपछि अग्रता दोब्बर भयो । फिरमिनोले ५६ औँ मिनेटमा गोल गरेर टिमलाई ३–० को शानदार जित दिलाएका हुन् ।
जितपछि दोस्रो स्थानमा पुगेको लिभरपुलले शीर्ष स्थानको टोटनह्यामसँग अंक बराबरी गरेको छ । दुवै टिमको ९ खेलबाट २० अंक भएको छ । लेस्टर सिटी १८ अंकसहित चौथो स्थानमा छ ।
आइतबार राति भएका अरु खेलमा आर्सनल लीड्स युनाइटेडसँग गोलरहित बराबरीमा रोकियो । यस्तै एभर्टनले फुलह्यामलाई ३–२ तथा वेस्ट ह्यामले शेफिल्ड युनाइटेडलाई १–० ले पराजित गरेका छन् ।
भर्खरै
लोकप्रिय
