एटिपी फाइनल्सको उपाधि जितेर मेडभेडेभले बनाए कीर्तिमान

डानिल मेडभेडेभले एटिपी फाइनल्सको उपाधि जितेका छन् । लण्डनमा भएको खेलमा युएस ओपन च्याम्पियन डोमिनिक थिएमलाई पराजित गरेर मेडभेडेभले आफ्नो खेल जीवनको ठूलो उपाधि जितेका हुन् ।

रुसी मेडभेडेभले पुनरागमन गरि खेलमा जित हाँसिल गरेका हुन् । उनले थिएमलाई ४–६, ७–६ (७–२) र ६–४ को सेटमा पराजित गरेका हुन् । विश्व नम्बर तीन थिएमले पहिलो सेटमा जित निकाले पनि त्यसलाई कायम राख्न सकेनन् ।

विजयी भएका २४ वर्ष विश्व बरियतामा चौथो स्थानमा रहेर यो वर्ष टुंग्याउने भएका छन् ।

उनी एटिपी फाइनल्समा शीर्ष ती बरियताका खेलाडीलाई पराजित गर्ने एकमात्र खेलाडी हुन् । उनले विश्व नम्बर एक नोभाक जोकोविचल र राफायल नाडाललाई पनि पराजित गरेका थिए ।