सिमकोट-शान्ति सुरक्षा कायम गर्न नेपाल प्रहरी र सशस्त्र प्रहरीले जिल्लाका दक्षिणी क्षेत्रका गाउँपालिकामा सम्युक्त सुरक्षा गस्ती बढाएको छ।
गत आइतवार कृषि बिकास कार्यालयको मुख्य गेटमै दुई वटा बम भेटिएपछि विप्लव माओबादीका गतिबिधि बढ्न सक्ने आशंका गर्दै प्रहरीले सुरक्षा गस्ती बढाएको हो।
प्रहरी नायव उपरिक्षक सुर्य सुबेदीले प्रहरीको सम्युक्त सुरक्षा गस्ती एक चरणमा जिल्ला कै मध्य क्षेत्रको सर्केगार्ड गाउँपालिकासम्म पुगेर सदरमुकाम सिमकोट पुगे लगत्तै बुधवार अर्को टोली गस्तीमै निस्केको बताएका छन्।
सदरमकाम सिमकोट मै बम पड्किन थालेपछि सुरक्षा गस्ती बढाउनुको अन्य विकल्प नभएको बताउदै उहाँले पछिल्लो गस्ती टोली जिल्ला भरि नै पुग्ने र केही सफलता हात पार्ने बताए । बम कस्ले राखेको हो भन्ने एकिन नभएपनि प्रहरीलाई विप्लव माओवादीले राखेको आशंका गरेको छ।
प्रहरीले दक्षिणी क्षेत्रका ताँजाकोट, अदानचुली, सर्केगार्ड र चंखेली गाउँपालिकामा विप्लव माओवादीको गतिबिधि बढ्न सक्ने सूचना प्राप्त भएको आधारमा गस्ती टोली बढाएको छ। प्रनाउ सुबेदीले अब सुरक्षा गस्ती ब्यापक रुपमा परिचालन हुने बताए। गस्ती गर्न प्रहरीलाई पैदल हिढ्नु पर्ने भएको कारण कठिन हुने देखिन्छ।
जिल्लाबाट प्रहरी निरीक्षकको नेतृत्वमा प्रहरी गस्तीमा निस्केपछि गाउँ गाउँमा रहेका प्रहरी चौकीका जनशक्तिलाई मनोबल बढ्ने बिस्वास प्रहरीले लिएको छ। केही समय अगाडी अदानचुली गाउँपालिकाबाट बिप्लव माओदावीका जिल्ला सेक्रेटरीलाई प्रहरीले सुराकीको आधारमा पक्राउ गर्न सफल भएको थियो।
भर्खरै
लोकप्रिय
