वरुण धवनको चलचित्र ‘कुली नम्बर १’को ट्रेलर सार्वजनिक

बलिउड अभिनेता वरुण धवनको चलचित्र ‘कुली नम्बर १’को ट्रेलर सार्वजनिक भएको छ। अमेजन प्राइम भिडियो इण्डियाको आधिकारिक युट्युव च्यानलमार्फत ट्रेलर रिलिज गरिएको हो।

चलचित्रमा वरुणका साथै सारा अली खान, परेश रावल, जावेद जाफरी, राजपाल यादव, जोनी लिभर लगायतका कलाकारको मूख्य भूमिका रहेको छ।

आगामी डिसेम्बर २५ मा अमेजन प्राइम भिडियोमा रिलिज हुने चलचित्रको निर्देशन वरुण धवनका बुवा डेविड धवनले गरेका हुन्।

यो चलचित्र सन् १९९५ मा रिलिज भएको चलचित्र ‘कुली नम्बर १’ मा आधारित छ। उक्त चलचित्रमा गोविन्दा र करिश्मा कपूर मूख्य भुमिकामा थिए भने निर्देशन पनि डेविड धवनले नै गरेका थिए।