रियाद महरेजको ह्याट्रिकमा म्यानचेस्टर सिटीको शानदार जित

इंग्लिस प्रिमियर लिग फुटबल अन्तर्गत शनिबार राति भएको खेलमा म्यानचेस्टर सिटी विजयी भएको छ । घरेलु मैदानमा भएको खेलमा पेप गार्डिवलाको टिम सिटीले बर्नलीलाई ५–० ले पराजित गरेको हो ।

सिटीको जितमा रियाद महरेजले ह्याट्रिक गरे । यस्तै बेन्जामिन मेण्डी र फेरान टोरेसले एक–एक गोल गरेका हुन् ।

महरेजले ६, २२ र ६९ औँ मिनेटमा गोल गरि ह्याट्रिक पूरा गरेका हुन् । यस्तै ४१ औँ मिनेटमा मेण्डी तथा ६६ औँ मिनेटमा टोरेसले गोलगरेका हुन् । केविन डी ब्रुयनाले दुई गोलका लागि सहयोग गरे ।

जितपछि आठौँ स्थानमा पुगेको सिटीको ९ खेलबाट १५ अंक भएको छ।