अ
+
अ
अ
-
काठमाडौँ – लामो बन्दाबन्दीपछि बुद्ध एयरले पुनः पर्वतीय उडान अर्थात माउन्टेन फ्लाइट सुरु गर्ने भएको छ । स्थिर अवस्थामा रहेको पर्यटनलाई यसले केही भए पनि गति प्रदान गर्नेछ ।
आउँदो शनिबार डिसेम्बर ५ देखि सुरु हुने यो माउण्टेन फ्लाईटको उडान करिब १ घण्टाको हुनेछ । काठमाडौँको त्रिभुवन विमानस्थलबाट सुरु हुने यो उडानबाट सगरमाथा, मकालु, नुप्त्से, गौरीशंकरलगायत अन्य हिमश्रृंखलाहरुको मनोरम दृश्य हेर्न सकिने बुद्ध एयरले जनाएको छ ।
बुध्द एयरले माउन्टेन फ्लाइटका लागि ८ हजार ९०० भाडा तोकेको छ । यसमा झ्यालसहित सँगैको अर्को सिट सित्तैमा उपलब्ध गराउनेछ । यो अफर तत्कालको लागि नेपाली नागरिकलाई मात्र उपलब्ध हुने बुद्ध एयरले जनाएको छ ।
टिकटका लागि बुद्ध एयरको काउण्टर तथा ट्राभल एजेन्सीलाई सम्पर्क गर्न सकिने बुद्ध एयरले उल्लेख गरेको छ ।
भर्खरै
लोकप्रिय
