मोरङ-नेपाल उद्योग वाणिज्य महासंघमा विराटनगरबाट केन्द्रीय सदस्य र प्रदेश सदस्यमा क्रमशः अभिनाश बोहरा र राजेन्द्र राउत चयन भएका छन् ।
शनिबार काठमाडौंमा सम्पन्न निर्वाचनमा महासंघको एशोसिएटतर्फबाट निर्वाचित बोहराले विगतको तिक्तता विर्सेर एक हुदै अघि बढ्नुपर्नेमा जोड दिएका छन्।
नयाँ निर्वाचित पदाधिकारीको टोलीले सबै उद्योगलाई बलियो बनाएर अघि बढ्नुपर्नेमा जोड दिएका बोहराले औद्योगिकरण, कृषिको क्षेत्रमा विकास, रोजगारी सृजनामा महासंघको ध्यान केन्द्रित हुनुपर्ने बताए।
४ सय ७६ मत प्राप्त गरि विजयी भएका उद्योगी बोहराले नयाँ निर्वाचित टोलीले राज्यले बनाउने ऐन कानुनमा नीजि क्षेत्रको प्रतिनिधित्वसंगै सल्लाह सुझावका लागि एक भएर अघि बढ्ने बताए। महासंघमा १९ जना कार्यकारिणी सदस्य रहने व्यवस्था छ।
त्यसैगरि, प्रदेशका केन्द्रीय सदस्यमा निर्विरोध चयन भएका उद्योगी राजेन्द्र राउतले प्रदेशमा देखिएका औद्योगिक चुनौतीलाई समाधान गर्नेतर्फ आफू केन्द्रित हुने बताए।
एक महिनाभित्र योजना बनाएर प्रदेशको उद्योग क्षेत्रलाई थप बलियो बनाउने गरि अघि बढ्ने बताए। राउत गत विहीबार नै निर्विरोध चयन भएका हुन्।
भर्खरै
लोकप्रिय
