स्पेनिस ला लिगा फुटबल अन्तर्गत आइतबार राति भएको खेलमा बार्सिलोना विजयी भएको छ । घरेलु मैदानमा भएको खेलमा बार्सिलोनाले ओसासुनालाई ४–० ले पराजित गरेको हो ।
यो खेलमा मार्टिन ब्रेथवेट, एन्टोनी ग्रिजम्यान, फिलिप कोन्टिन्हो र लियोनल मेस्सीले गोल गरे । पहिलो हाफमा दुई गोल गरेको बार्सिलोनाले दोस्रो हाफमा थप दुई गोल गरेको हो ।
ब्रेथवेटले २९ औँ तथा ग्रिजम्यानले ४२ औँ मिनेटमा गोल गरेका हुन् । यस्तै कोन्टिन्होले ५७ औँ तथा मेस्सीले ७३ औँ मिनेटमा गोल गरे ।
गोल गरेपछि मेस्सीले अर्जेन्टिनाका लेजेण्ड फुटबलर डिएगो म्याराडोनाप्रति सम्मान प्रकट गरे ।
३३ वर्षे मेस्सीले गोल गरेपछि बार्सिलोनाको आफ्नो जर्सी भित्र लगाएको म्याराडोनाको पूर्व क्लब न्यूवेल्स वल्ड बोइजको जर्सी सार्वजनिक गरे । उनले दुवै हात आकाशतिर उठाएर सम्मान प्रकट गरे ।
जितपछि बार्सिलोना ९ खेलबाट १४ अंकसहित सातौँ स्थानमा रहेको छ ।
भर्खरै
लोकप्रिय
