धनगढी-सुदूरपश्चिम प्रदेशमा पछिल्लो एक महिना यता कोरोना परिक्षण न्यून भइरहेको भएपनि संक्रमितको संख्या भने ह्वात्तै बढेको छ।
पछिल्लो एक महिना यता प्रदेशका बिभिन्न प्रयोगशालामा गरि दैनिक ३ सय देखि ४ सयको हाराहारीमा मात्र स्वाव परीक्षण भैरहेको छ तर कम परिक्षणमा पनि दैनिक १ सय जनाको हाराहारीमा संक्रमण पुष्टि भैरहेको छ।
मंगलबार मात्र सुदूरपश्चिम प्रदेशका ५ वटा प्रयोगशालामा गरिएको परिक्षणमा १ सय ४३ जनामा कोरोना संक्रमण पुष्टि भएको छ। मंगलबार प्रदेशभरी झण्डै ५ सय जनाको स्वाव परिक्षण गरिएको छ।
प्रदेश सामाजिक विकास मन्त्रालयका अनुसार मंगलबार सेती प्रादेशीक अस्पतालको प्रयोगशालामा ८१ जना, डडेल्धुरा अस्पतालको प्रयोगशालामा १५ जना, बैतडी अस्पतालको प्रयोगशालामा १५ जना, बझाङ अस्पतालको प्रयोगशालामा ८ जना र अछामको कमलबजार प्रयोगशालामा २४ जनामा संक्रमण पुष्टि भएको छ।
मंगलबार थपिएका संक्रमित मध्य सबैभन्दा बढी कैलालीका ७४ जना, कंचनपुरका ७ जना, अछामका १८ जना, बैतडीका १७ जना, बझाङका ८ जना,बाजुराका ६ जना, डडेल्धुराका १२ जना र डोटीका १ जना रहेका छन्।
मंगलबार १ सय ४३ जना थपिए संगै सुदूरपश्चिम प्रदेशमा कोरोना संक्रमितको संख्या ११ हजार ३ सय ५२ पुगेको छ। यी मध्य सकृय संक्रमितको संख्या १७ सय ९६ रहेको मन्त्रालयले जनाएको छ । मंगलबार सम्म प्रदेशभर ९ हजार ५ सय १७ जना संक्रमण निको भएर घर फर्किएको मन्त्रालयको तथ्यांकमा उल्लेख छ।
सुदूरपश्चिम प्रदेशमा सबै भन्दा बढी संक्रमित कैलाली जिल्लामा रहेका छन्। कैलालीमा मंगलबार सम्म संक्रमितको संख्या ४ हजार ७ सय ७४ पुगेको छ।
सबैभन्दा कम दार्चुलामा ३ सय २१ जना रहेका छन्। प्रदेशभर मंगलबार सम्म कोरोना संक्रमणका कारण ३९ जनाको मृत्यु भएको प्रदेश सामाजिक विकास मन्त्रालयले जनाएको छ।
भर्खरै
लोकप्रिय
