बुटवल – बुटवलमा प्रहरीले गोरु ओसारपसार गरिरहेका पाँचवटा ट्रक नियन्त्रणमा लिएको छ।
पश्चिमबाट पूर्वतर्फ लैजाँदै गरेको अवस्थामा पाँचवटा ट्रकसहित १ सय २१ वटा गोरुलाई अस्पताल लाईनबाट नियन्त्रणमा लिएको हो।
विशेष सूचनाको आधारमा ना ५ ख ५६५५, ना ८ ख ७३०२, ना ६ ख ५७१२, ना ५ ख ७५३९ र नम्बरको ट्रक चेक जाँच गर्दा गोरु लोड गरि लिएर आएको र कागजात समेत संकास्पद देखिएकाले नियन्त्रणमा लिइएको जिल्ला प्रहरी कार्यालय रुपन्देहीका प्रवक्ता सत्यनारायण थापाले जानकारी दिए।
गोरु ओसारपसारमै संलग्न भएको आरोपमा पाँचजना पक्राउ परेका छन् । पक्राउ पर्नेहरुमा बारा निजगढका ३६ वर्षीय गणेश पौड्ल, ५२ वर्षीय शम्भु भट्टराई , ३२ वर्षीय नवराज कार्की, बाराकै जितपुर सिमराका ३८ वर्षीय तिलकबहादुर जिम्बा र मकवानपुर हेटौँडाका लक्ष्मण दनै रहेका छन् ।
ट्रक र ट्रकमा रहेका गोरुहरुलाई पशु क्वारेन्टाइन भैरहवा पठाइएको प्रहरीले जनाएको छ।
भर्खरै
लोकप्रिय
