अक्षय कुमारले सुरु गरे ‘अतरंगी रे’को सुटिङ

बलिउड अभिनेता अक्षय कुमारले आफ्नो आगामी चलचित्र ‘अतरंगी रे’को सुटिङ सुरु गरेका छन्। अक्षयले शुक्रबारदेखि चलचित्रको सुटिङ सुरु गरेका हुन्।

उनले सामाजिक सञ्जालमार्फत चलचित्रको सुटिङको जानकारी दिएका हुन्। उनले चलचित्रको सेटको एउटा फोटो पनि सार्वजनिक गरेका छन्।

अक्षयले ट्वीटरमा लेखेका छन्, ‘लाइट्स, क्यामेरा, एक्सन यि तीन शब्द सुन्दा खुसी मिल्छ।’

चलचित्रमा अक्षयका साथै सारा अलि खान र धनुषको मुख्य भूमिका छ। चलचित्रमा एआर रहमानको संगीत रहनेछ।

‘अतरंगी रे’को सुटिङ गत मार्चमै सुरु भएको थियो। तर कोरोना भाइरसको महामारीका कारण सुटिङ रोकिएको थियो।