सप्तरीका एक संक्रमितको धरानमा मृत्यु

मोरङ – धरानस्थित वीपी कोइराला स्वास्थ्य विज्ञान प्रतिष्ठानमा कोरोना संक्रमण पुष्टि भएको चारदिनपछि एक पुरुषको मृत्यु भएको छ ।

प्रतिष्ठानका अनुसार सोमबार राति १० बजेर ५० मिनेटमा सप्तरी लक्ष्मीपुर ३ का ४२ वर्षीय पुरुषको उपचारको क्रममा मृत्यु भएको हो।

उच्च रक्तचापबाट पीडित उनमा मंसिर १९ गते कोरोना संक्रमण पुष्टि भएको थियो। उनलाई त्यसको भोलिपल्ट अस्पताल भर्ना गरिएको थियो ।

प्रष्तिठानमा हालसम्म १ सय १७ जना संक्रमितको उपचारका क्रममा मृत्यु भएको छ।